八方庭

营业中

休息中

放左工一班同事系八方庭食饭，4个人食5道菜，全部都好好味清哂碟。私房榄角骨🐖好味指数👅👅👅👅👅榄角骨大件又香口，香脆惹味，排骨炸到热辣辣，肉多汁充满油脂，甘香松化，好味绝不简单，再加上香味十足榄角，绝对系好味加上好味，味道非常丰富。老坛酸菜鱼🐟好味指数👅👅👅👅👅金黄色酸菜汤底绝不简单，酸辣得来带有鱼片嘅味鲜甜味，和桂花清香味。呢大盘酸菜鱼入边有鱼片，酸菜，大白菜，芽菜，冬菇和薯粉，薯粉晶莹剔透，烟韧弹牙，鱼片幼滑又冇骨，简直系一级嘅滋味。鸳鸯水库鱼头🐟好味指数👅👅👅👅👅呢一碟红黄绿嘅就系水库鱼头，佢用咗红辣椒，小米朝和香葱一齐蒸，鱼头吸晒辣椒嘅味道，又辣又惹味，好想用嚟配饭食。呢个鱼头有鱼肉又有鱼云，真系一食两味。脆米焗中虾🦐好味指数👅👅👅👅呢个脆米焗中虾即系虾饭嘅概念，咪系炸过之后然后再去蒸焗，个饭特别香，虾就够鲜甜爽口。椒盐九肚鱼🐟好味指数👅👅👅👅又滑又柔软入口溶化九肚鱼，鱼肉鲜甜嫩滑，九肚鱼经过油炸，外脆内软，九肚鱼嘅味道比较清淡，但系面头再洒上椒盐粉，味道即刻提升。