影片
更多
2024-03-19
896 浏览
居酒屋系日本到系一种大众文化，经济舒适既消遣场所，到左香港就成为中高价消费，两个人简单食饭动辄上千先可以埋单，遑论开枝清酒品尝。今晚系闹市中揾到令和锅物酒场，装修满满日式居酒屋元素，重点系几个雪柜内数不清种类的清酒，睇嚟又系一个唔清醒既夜晚。今晚一行七人难得聚首一堂，决定不醉无归，拣左无限时任饮24款清酒，仲有啤酒，梅酒，果酒，真系选择困难，不过好在令和有位清酒专家驻场，系香港为数不多既酒匠，按喜好介绍唔同既清酒比我哋，饮酒之余又可以增进知识，真系一举两得。饮得酒梗系要下酒菜，炸池鱼仔，唐扬海苔鱿鱼两种炸物酥脆香口，烧鳕鱼干卜卜脆，富士山火焰脆脆薯仔沙律兼顾松软同脆口于一身，调味得宜，几道小菜过后，已经饮左几种清酒，有清爽，辛辣，甘甜，各有特色，而且坊间少有。主菜拣左萨摩赤鸡白汤锅同海鲜痛风锅，赤鸡锅鸡肉鲜嫩，鸡白汤鲜甜，配上一锅杂菜，食完加两碗白饭落去慢火烹煮，鸡同菜既甜味融入饭中，饮完酒食返碗真系舒畅。痛风锅有几种海鲜，仲有𩽾鳙鱼肝，一边煮鱼肝稍微溶化落汤底，更显鲜味。惊喜的是海鲜下系肥美既牛大肠同牛粉肠，卤得入味又不失牛脂味，每一口都系邪恶既诱惑，食完一旧又忍唔住食第二旧，酒亦越
今晚一行七人难得聚首一堂，决定不醉无归，拣左无限时任饮24款清酒，仲有啤酒，梅酒，果酒，真系选择困难，不过好在令和有位清酒专家驻场，系香港为数不多既酒匠，按喜好介绍唔同既清酒比我哋，饮酒之余又可以增进知识，真系一举两得。
饮得酒梗系要下酒菜，炸池鱼仔，唐扬海苔鱿鱼两种炸物酥脆香口，烧鳕鱼干卜卜脆，富士山火焰脆脆薯仔沙律兼顾松软同脆口于一身，调味得宜，几道小菜过后，已经饮左几种清酒，有清爽，辛辣，甘甜，各有特色，而且坊间少有。
主菜拣左萨摩赤鸡白汤锅同海鲜痛风锅，赤鸡锅鸡肉鲜嫩，鸡白汤鲜甜，配上一锅杂菜，食完加两碗白饭落去慢火烹煮，鸡同菜既甜味融入饭中，饮完酒食返碗真系舒畅。痛风锅有几种海鲜，仲有𩽾鳙鱼肝，一边煮鱼肝稍微溶化落汤底，更显鲜味。惊喜的是海鲜下系肥美既牛大肠同牛粉肠，卤得入味又不失牛脂味，每一口都系邪恶既诱惑，食完一旧又忍唔住食第二旧，酒亦越饮越多，种类竟然仲未重复，真系怀疑自己可唔可以试哂咁多酒。
食过主食后，大家一边聊天品酒，一边听酒匠介绍，又忍唔住点几道小食伴酒。芝麻鸡翼外面一层薄薄既脆皮包住嫩滑既鸡肉，食完一只都真系唔够喉。月见大啡菇烤完都仲鲜嫩多汁，再伴上金黄既蛋黄，两者融洽得天衣无缝。北海道花鱼一夜干淡淡盐味，鱼肉嫩口无细骨，一口鱼一口酒，好快就秒杀一壶清酒。
刚才痛风锅既牛肠太诱人，不期然点了汁烧牛大肠同牛粉肠，同慢煮和牛筋止瘾，香浓既酱汁配上浓厚牛味既牛肠，又系下菜好友。牛筋满满既骨胶原，口感软糯弹牙，牛味依然十足。
最后大家以烧饭团作结，微焦既外层，包上紫菜跟腌萝卜，酒后食完垫垫个肚成个人都舒服哂。今晚可以系一个环境气氛咁舒服既地方饮饱食醉
，大家都相当满意，值得推荐朋友们尝试，特别系清酒爱好者，一定会令你乐而忘返。
张贴
