清山塾 (已結業)

今日放假特登过黎，一方面就系因为佢嘅清幽宁静既环境，另一方面就系想试下呢度嘅素食。一入到去就系一个小庭园，虽然植物唔多，不过有唔少装置艺术，几有意思。餐厅入面系open kitchen，楼底好高空间感好强，枱与枱之间亦有一定距离，坐得舒适。餐厅采用自助形式，食完麻烦大家自己收拾餐具啦。原谅我真系唔记得左呢个系咩意粉，系蒜香，有少少辣既，味道唔错，不过真系略嫌油左少少，失了一份素食既健康。而呢个就系all day breakfast，份量唔少，每样野都整得唔错，我最喜欢佢既菇同蕃茄，虽然简单但绝对唔单调。咖啡都属一般质素。总括而言，呢度好适合假日黎拎本书过一个慵懒既下午，饮下咖啡食件cake，感觉悠然自在。