百好名宴 (已結業)

同朋友经过始创中心，想揾个地方坐低倾下计。心谂饮茶可以坐耐啲，一致决定饮个下午餐。喺始创中心地下有几个酒楼广告牌，几间都饮惯饮熟嘅集团酒楼，只有呢间未听过佢名。而OPENRICE只有五个食评，但同朋友都冒险一试。到达五楼，长长嘅大走廊，只得一人，就系前台嘅服务员。咁局势，真系想掉头走，朋友话姑且一试，好，就试吓啦!幸好入到去大堂，都有一半食客，不觉冷清。等左十分钟先有人黎问饮咩茶。 睇下点心纸，选择好多:价钱都算合理:排骨蒸陈村粉$17.8，都几大碟，够晒味。陈村粉同排骨够份量，味道好。百好烧卖皇$19.8，热辣辣，好多虾肉同蟹籽，但卖相一般。正宗烧鹅汤濑$23.8，份量唔细，只系个碗太大。黎到时个碗边污糟左，有手指印。但味道唔错，烧鹅烧得皮脆，鹅亦厚肉。呢间酒楼都唔错丫，静静地，方便倾下计。