cafe TOO

老板请食午餐，和同事到香格里拉酒店享受buffet😋😋虽然今个月已经食咗几次buffet，但系今次仍然有少少期待，尤其是食物嘅质素。咁我先讲讲佢个海鲜，蟹脚味道一般，而三文鱼同埋寿司系值得食，我尤其是觉得佢个小寿司有心意，整得好靓。钟意食寿司嘅我就一定会推介俾大家。虾，青口，巴拿马火腿，我比中评（其实系好食嘅，但我唔觉得好突出）熟食方面，印度咖喱，马铃薯，猪扒，仲有茄子🍆，同埋烧肉都推介！尤其是马铃薯，一粒粒细粒咁样，好烟银！而且佢有中式点心！虾饺最抢手，我抢唔到，食咗烧卖！好味甜品方面，芝士挞，马卡龙，雪糕，朱古力泡芙，我系最推介嘅！其他嘅话我就觉得有啲样系靓，但味就好奇怪，例如𠮶个柠檬西柠白朱古力杯，食落好似黑人牙膏，完全唔夹。另外有一个红色嘅，车厘子味嘅小蛋糕，都唔好食。总括来讲虽然佢调味好多选择，但真正好食嘅就唔多。环境大致上都系有中国特色，环境大致系清静，虽然我哋去𠮶日系好多人，但大家都唔系好嘈。