燒肉屋 (清風街)

来到铜锣湾天后地铁站附近的清风街<烧肉屋>，当然要品尝一下呢度嘅烧肉，新开嘅烧肉店地方虽然唔算好大，但系餐厅环境格局非常精致美丽，好似去左居酒屋甘，好有日本风嘅感觉，打卡一流！！～餐厅供应嘅前菜有莲藕、白萝卜、茄子、芽菜、泡菜，仲有生菜，全部都可以无限refill。<八爪鱼柚子沙律>呢个沙律非常特别，用上好多新鲜嘅八爪鱼刺身来造成，酸酸甜甜，非常开胃。<超长日式牛仔骨>呢个牛仔骨有成两只手掌咁长，非常之大块，牛仔骨用日式酱汁腌制，非常惹味好食，烤过之后充满牛肉味道，而且好软淋。<蒜蓉牛油烤帆立贝>帆立贝总共有四大只咁多，只只都非常新鲜，烤过之后充满牛油同蒜蓉嘅香味，配埋赠送嘅白饭捞埋一齐食，非常之好食。另外加上<烧肉拼盘>，有酱汁牛五花、猪颈肉、牛胸腹肉、封门柳肉同杂锦香肠。全部嘅牛肉肉质都非常之新鲜同嫩滑，烤完之后充满牛肉嘅香味，仲充满肉汁同弹性。饮品叫咗<熊仔冰茶>同埋<士多啤梨乳酸特饮>，味道非常清新，唔会过甜。个人觉得呢间烧肉嘅质素都非常之高，而且价格唔算好贵，值得下