四季文昌 (已結業)

今晚同朋友系四季文昌食椰子鸡火锅做晚餐，叫咗半只鸡，七彩芝士流心丸，鬼马虾滑，和牛拼盘同豆苗。等咗阵，好香椰子嘅火锅就到，店员将新鲜椰青水倒入煲到，等佢滚咗，就将鲜鸡放埋入去，用漏斗计时，7分钟到就有得食，系等佢熟期间，闻到阵阵椰子香，鸡系用文昌鸡，肉质好嫩，鸡味好浓。和牛拼盘，有牛柳粒，牛舌，安格斯牛颈脊，澳洲M9和牛，佐贺A5和牛，好丰富，牛舌系一粒粒，口感好好。店员叫我地要由底开始食起，一层一层食上去，最后先食日本和牛，其实除咗牛柳粒同牛舌要渌耐少少，和牛真系渌一渌就食得，好有油香，油脂好均匀，入口即溶，好正。七彩芝士流心丸，七个味道，各有特式，不过渌咗后，个芝士仲好流心，朋友话好正。鬼马虾滑，油炸鬼酿咗虾滑，面头仲有蟹籽，虾滑好爽弹，油炸鬼吸晒D椰子汤，又香又甜。豆苗，种完嘅豆苗未收割，要自己用胶剪剪，好特别，够晒新鲜。食完火锅，朋友见到隔离枱食腊味煲仔饭，好香，所以我地都叫咗一个，好足料，腊味好多，芋头又绵，又有饭焦，口感一流，我地叫咗细煲，好大好多，四个人都够晒食。最后饮埋椰青，好够冻，劲解喝，成餐饭食完觉得好满足。