616牛肉火鍋專門店 (翠怡花園)

营业中

休息中

身为大埔帮，竟然依家先发现到呢间牛魔王，见到门口餐牌上有好款牛肉，每碟平均大约50零蚊，个阵有唔少人等位，应该都值得一试。呢度用Ipad落单，见到咩想食就㩒咩，极度方便，我哋先㨂咗个牛清汤底肴住先，再嚟就系啲牛肉，有啲仲之后再返叫咗添。腩头有赵口但唔系韧，越食越出牛嘅脂香同肉味，超正，所以呢个就返叫多一碟。封门柳食到浓厚肉味，几乎零脂肪，真系616就食得，5秒钟啱啱好。牛滑估唔到呢个都有惊起，肉汁多而且牛味重，仲够爽弹，又系正。牛坑爪明显系筋位，但花纹几靓，亦系有赵口，爽爽嘅感觉，本人都系钟意腩头多啲。胸口膀即系平时出面叫开嘅牛白肉，都系爽爽嘅，亦系带出脂香嘅一款。牛扑肉就似平时安格斯，肉味，脂香又系同时带出。牛驼峰有高级安格斯嘅感觉，系双倍嘅味道，更香更浓，肉质又嫩口，又系返叫之选。脖仁相比以上两款，呢个就较为普通，但都好食，我谂呢个部位嘅特色系油花密但幼细，容易入口。最后讲埋个黑拍叶，虽然都系爽爽嘅，但佢配个日式芝麻酱又几有新鲜感。一次过食到好多平时都唔知道有咁多款嘅牛，咁其实依家就会知道原来自己系钟意食边几款，呢餐唔止医肚咁简单，而且系比个味觉学到嘢，下次就更识食了。