漁樂鍋 (已結業)

黄埔附近行街见到呢间渔乐锅，见唔少人系入面食紧，实冇死啦，今期主打卜卜蚬同海龙皇锅，今次同朋友试左个卜卜蚬先，下次再试埋个海龙皇锅！坐落Ｄ卡位都好宽敞舒服，梳化位，比你慢慢打边炉都唔怕坐到ＰＡＴＰＡＴ痛。个锅一开，超香蒜蓉同牛油味，Ｄ蚬都好多又大粒饱满，我同朋友夹极都重有，Ｄ蚬既精华入晒汤入面，我每粒蚬都用壳兜埋少少汤汁黎食，唔好晒。另外叫左几碟𩠌，佢牛都有３款选择，我地拣左最平既美国肥牛，但上黎都好靓，雪花纹睇相都见到好均匀，切得又厚，啖啖牛味，另外仲有金钱肚都系必食推介！另外菜篮有粟米生菜金菇等冇人会拒绝既菜，最岩成班人又谂唔到食咩既选择。云吞都好惊喜，虽然冇原粒虾系入面，但都食到好香虾味。