漁匠料理 (已結業)

之前睇电视见到呢间渔匠料理，就去试下啦，去到一打开个餐牌，大部分都过百，所以后来点左个都唔平嘅餐，谂住质素唔会差，个餐嚟到之后，真系爆失望，卖相已经唔靓，手卷上面啲蟹籽掉晒出嚟，啲饭又有异味，紫菜软晒，再睇啲寿司，都系𠮶句，饭有异味，而且鱼生唔新鲜，叫左两个A餐，三文鱼刺身都勉强可以接受，但系两个三文鱼同碟上，好似想洗少只碟咁，另外牛排真系差极，酱汁咸到死，盖过牛排嘅鲜味，牛排又硬又有梳打粉味，讨厌极!连味噌汤都衰过人，太咸，饮左半碗已经忍唔住，总之一句讲晒，鱼冇鱼味，牛冇牛味，真系唔会再嚟!