漁舍酸菜魚 (已結業)

门面装修唔错，地址亦都好容易揾到。周围交通便利。曾经有一瞬间觉得旁边嘅牛牛火锅店就系属于呢间餐厅。因为见过有啲人喺呢间餐厅度打边炉，但系个炉竟然系牛牛火锅店拎出嚟。实在令我大吃一惊。再睇真少少，原来系两个名。呢间餐厅就专门食酸菜鱼，不过佢亦都有做煲仔饭同埋火锅。今次就选择咗食煲仔饭，因为今日实在太冻啦。煲仔饭系一个暖笠笠嘅选择。咁我就点选左金银蒜开边虾煲仔饭，再加多碟单骨鸡翼。饮品要另加，所以我都有谂过食完饭再出去饮其他嘢。但12:57落咗单，13:47先有饭😵‍💫，所以都冇乜心情饮嘢。中间都试过三四次催单，但系每次得到嘅回覆都系话整紧。等到个人既热情都冷却咗。其实个煲仔饭拎咗上嚟揭开盖都几香，但系六只虾有啲有剥壳，有啲就冇剥壳。蒜香味唔算太重，系食完之后过咗一排，先会觉得个蒜味喺个口腔度停留咗好耐。趁热淋上豉油去食，系豉油香最重最好食嘅时间。炸既单骨鸡翼配上泰式酸辣酱。味道就好似麦当劳嘅鸡翼餐，咁呢度就唔详细讲啦。整体食完埋单都超过$100，因为佢有+1服务费。