影片
更多
2023-04-17
677 浏览
当减糖唔食淀粉质，又要多菜嘅时候，真系每次出街食饭就系一个难题，要揾一间合适嘅餐厅真系唔易🤦🏻♀️一早知道要落葵芳附近工作，所以就揾定呢边有咩可以啱食最尾，拣左呢度解决左我午餐嘅需要入到餐厅自己揾位，枱上面有QRcode ，可以自行落单（要即刻过俾钱）或者收银位排队落单都可以平日1100-1800会有set, 1400-1800仲有下午茶添拣呢度开饭就系贪佢有沙律，唔一定要意粉同pizza 午巿套餐连饮品+沙律/蒜蓉包最后点左慢煮鸡胸沙律配芒果乳酪餐（配沙律及热美式咖啡）$68 （无加一）卖相唔错，同落单时照片唔会有落差套餐跟嘅沙律菜，同主菜嘅沙律菜系一样，无分别嘅，只系份量唔同，菜都新鲜，沙律酱汁仲可以自由决定多酱/少酱/走酱，都好方便QRcode 落单人士👍🏻鸡胸份量都多，够晒蛋白质有时自己煮/出街食鸡胸最怕就系好‘鞋’， 真系会无晒胃口，会以为自己食紧纸皮😂虽则餐牌有加‘慢煮’两个字喺鸡胸肉前面，但始终都要有个心理准备，预左佢会好鞋，未入咬得开，无期望就无失望喺无咩期望之下，食落去又ok㖞，唔会觉得自己食紧纸皮，唔鞋易入口，当然一定唔会似食鸡脾肉嘅嫩滑啦呢个质素，收货无问题，如果
当减糖唔食淀粉质，又要多菜嘅时候，真系每次出街食饭就系一个难题，要揾一间合适嘅餐厅真系唔易🤦🏻♀️
一早知道要落葵芳附近工作，所以就揾定呢边有咩可以啱食
最尾，拣左呢度解决左我午餐嘅需要
入到餐厅自己揾位，枱上面有QRcode ，可以自行落单（要即刻过俾钱）或者收银位排队落单都可以
平日1100-1800会有set, 1400-1800仲有下午茶添
拣呢度开饭就系贪佢有沙律，唔一定要意粉同pizza
午巿套餐连饮品+沙律/蒜蓉包
最后点左慢煮鸡胸沙律配芒果乳酪餐（配沙律及热美式咖啡）$68 （无加一）
慢煮鸡胸沙律配芒果乳酪餐
$68
26 浏览
0 赞好
0 留言
卖相唔错，同落单时照片唔会有落差
套餐跟嘅沙律菜，同主菜嘅沙律菜系一样，无分别嘅，只系份量唔同，菜都新鲜，沙律酱汁仲可以自由决定多酱/少酱/走酱，都好方便QRcode 落单人士👍🏻
鸡胸份量都多，够晒蛋白质
有时自己煮/出街食鸡胸最怕就系好‘鞋’， 真系会无晒胃口，会以为自己食紧纸皮😂
虽则餐牌有加‘慢煮’两个字喺鸡胸肉前面，但始终都要有个心理准备，预左佢会好鞋，未入咬得开，无期望就无失望
喺无咩期望之下，食落去又ok㖞，唔会觉得自己食紧纸皮，唔鞋易入口，当然一定唔会似食鸡脾肉嘅嫩滑啦
呢个质素，收货无问题，如果沙律菜份量可以再多少少就更加好🤭
以后又多一个外出开饭嘅选择👍🏻
张贴
