大胃燒

营业中

休息中

大胃烧@佐敦渡船街渡船街附近集中左唔少嘅串烧店，大胃烧就系其中一间明星店。除咗食物价钱抵之外，员工服务态度亦非常好。我同朋友夜晚七点几左右去到，但入边唔算多人可以即刻有位入去坐。因为啲嘢食都卖相唔错，同埋我哋真系大食同好肚饿，我哋叫咗好多野食。有烧茄子、烧韭菜、牛油焗金菇、烧菠萝、烧娃娃菜、烧鸡全翼等等。如果你钟意嘅仲可以洒啲辣粉上去，又辣又野味！全部串烧嘅卖相都唔错，但食落无想像中咁好食。烧娃娃菜同各种肉类出到嚟都比较干，锁唔住个汁。烧菠萝比较酸，可能因为用嘅系新鲜菠萝。鸡泡鱼干未去到平时居酒屋食到嘅水准，而且质地比较硬，咬到有少少牙痛。烧蚝味道都一般般，虽然有好厚嘅芝士闻落几香，但食落冇乜味道。反而道烧茄子几有惊喜，食落几惹味，加埋孜然粉等等嘅香料之后更系非常香口。