太興 (荃新天地2)

营业中

休息中

今朝一早放低阿囡去兴趣班学画画，然后就系同老婆二人世界的时间。我哋去咗太兴食早餐撑台脚。叫咗两份早餐，一份系多士煎火腿 + 雪菜肉丝米配热奶茶，另一份系多士炒蛋 + 雪菜肉丝米配热奶茶。奶茶好饮，香夹滑。雪菜肉丝米粉份量都大，所以老婆食唔晒，由我负责清埋佢。味道方面过得去。火腿和炒蛋都系一般水准。多士就唔同，因为系经过老婆主理，帮我搽牛油，搽得好均匀，所以食得出特别香脆，特别温馨。一路食，一路用手机睇纸，睇咗成粒钟，店员都无赶客。咦! 时间到，同老婆拍住拖去接阿囡放学，然后带佢去玩。