大興餐廳 (第尾牛扒)

营业中

休息中

想食肉，自然就会谂到据扒一坐低，侍应就问红汤定白汤。仲快过真正既茶记><侍应大嗌：2个红汤！唔洗几秒汤就到左。红汤有啲油浮面，饮落微辣冇咩酸味；啲菜煲到好淋，加埋汤饮，有啲似食淋既泡菜；汤入面既牛腩都煮到好淋，一咬就开，都有肉味。整体而言，红汤味道属中下，试左几啖就冇再饮～餐汤系黎得几快，但系铁板扒系应该即叫即整，所以都等左有成十分钟。听到吱吱声越行越近，就知我个扒到啦！肉眼扒有两块仔，份量唔算大，但唔系我见过最大既。扒都有一定既厚度，但总体份量而言，冇我想像咁大，大食既我有些少失望肉眼扒既六七成熟，食落肉质软淋，食先果啲冇咁熟会嫩啲，最尾食既肉因为铁板既热力，令肉眼肉质变老，但都唔会去到韧既地步；肉质方面做得唔错。肉眼味道方面，个人觉得冇咩牛味，唔知系咪因为黑椒汁太重口味，盖过左肉味。肉眼属半肥瘦，当然，瘦肉比肥肉多。边位会痴住少少肥膏，扒与扒之间都会有脂肪，但影响唔大。黑椒汁味道过咸，冇黑椒味既辣味，食到最尾系好咸好咸！影响埋肉既味道，有待改善配菜有薯条、三色豆、蕃茄；薯条正常，唔算脆，掂到酱汁果啲系淋既；三色豆同蕃茄睇落都几油，冇食到。整体而言，个扒味道不过不失。