荔香園冰室 (已結業)

又去旺角通菜食街搵食行過見到有間幾有香港地道情懷嘅冰室裝修幾有特色試一試佢先.《荔香園冰室》主打獅子山下嘅香港，個名亦令我諗起以前去過嘅荔園.皇袍叉燒飯 ($58 lunch set 連飲品) : 叉燒係瘦底，啲蛋偏薄身，配甜豉油，唔會過鹹；兜飯好大份.香煎墨魚餅滷肉飯 ($52) : 幾好食，墨魚餅彈牙，幾香墨魚味；個滷肉飯其實係肉燥.熱奶茶有起”依”，見到塊依係信心保證，唔會難飲得去邊.一貫茶餐廳嘅風格，多選擇，座位闊落.