滿屋定食

营业中

休息中

今日假期，冇北上，就喺本港消费啦，作为一个粉岭人，就睇吓粉岭有咩好食啦，呢间餐厅粉岭人都好高评价我决定嚟一会佢。我一个人挑咗两个餐，夜晚就唔可以再食嘢啦食咗个特价午餐，冬阴功猪颈肉油面，猪颈肉都好厚切，份量亦都足够，明显地系有炭香，肯定系炭烧，唔系求其煎熟个味道都刚刚好，唔会太咸有油面就普普通通啦，冇乜特别，但系佢配料系足嘅：豆卜、半个熟蛋、泰国嘅芽菜，好似叫短豆芽有少少意犹未尽，就叫个西多士食，竟然有我最爱嘅斑斓，又有西多士，咁点可以唔要呢个呢？咁我摆靓啲俾大家睇吓先本身入面嘅馅都系斑斓酱，面头一嚿牛油，再淋少少斑斓酱，好明显系即整嘅，因为牛油嚟到嘅时候已经系半溶，佢冇额外比糖浆，如果你有需要可以问职员姐姐攞系有少少偏甜嘅，但系我呢个爱甜嘅人绝对接受得到，味道系可以嘅，我又觉得未去到好和谐，所以唔使特别叫佢杯泰茶都系标准，当然冇「红色手指公」𠮶间咁正宗啦，但系绝对顶吓瘾系冇问题另外有杯佢哋嘅招牌冻咖啡，我就真系饮唔落啦，唯有拎返屋企再饮，个咖啡都系偏酸，但系好饮嘅。