CherCher (已結業)

难得约咗个港女朋友，梗系要揾一间打卡靓嘅餐厅啦。今次我同佢嚟到大角咀呢一间Chercher Café 👍🏻打卡真系一流呀，有少少欧洲风格，仲有一个大千秋喺门口度，影相真系好唔错㗎。同个女仔朋友嚟食我哋都唔系食到好多嘢，我地share左一个白酒巴马臣芝士大虾扁意粉，叫咗一杯海盐玫瑰鲜奶咖啡，同埋一杯伯爵茶。食物方面来讲，我哋叫嘅白酒巴马臣芝士大虾扁意粉真系必要佳选，佢个白酒味淡淡地，大虾好大只， 扁意粉吸收晒虾嘅精华，同埋有浓浓嘅芝士味，真系令人回味无穷。嘢饮方面，我饮嘅果一杯海盐玫瑰鲜奶咖啡，味道都好唔错。咖啡味唔算太香浓，玫瑰花味比较重，但系饮唔到海盐味，但味道就啱啱好，可能本人唔钟意饮太甜嘅嘢。伯爵茶佢用一个茶壶上 ，你可以叫佢帮你加热水，真系几抵饮㗎。