帝景軒 (已結業)

上次见生果日报介绍呢间酒店，环境好似几好咁而且75折完加埋一都系讲紧$220到，所以就黎试下。仲要抵死到有得上网book枱添，佢地仲几有效率，好快打返黎confirm个booking。好野~今晚可以同我两个fd慢慢食，慢慢倾啦。今次系同两个份量十足既朋友去食，佢地一见到d海虾同螺，话几靓仔又大只，就攞左好多只返黎，而我就攞左d沙律，都ok既，有生果沙律同鸡蛋生律，好清新，仲有个款蛋包烟三文鱼，全部都几岩我心水。至于热盘比想像中特别，有平时系泰国餐厅食既明炉烧鱼、同埋全只烧乳猪系buffet 枱到show出黎，d个我真系估佢唔到会有啰，味道都几好!另外炸蚝同青口都ok大只，烧腩仔个皮真系几脆，值得一赞，至于d羊架都ok啦。而我两个fd都话食到差不多回本，因为佢地除左食左大量虾、螺、蟹脚同炸蚝外，话送个个椰皇炖蛋白，平时系街食都要五十几蚊，仲要每人食佢2-3杯Dreyer’s 雪糕再加汽水任饮，wowowo……buffet万岁!!