影片
更多
2024-10-27
752 浏览
香港好少揾到专食蛋包饭嘅铺头～湾仔嘅猫之眼系其中一间专做蛋包饭又人气爆灯嘅小店🙂↔️钟意食蛋包饭嘅男朋友话未食过 所以我决定要带佢去朝圣下！🤣礼拜六晏昼排哂队，因为铺头唔算好大，所以都等咗大概半个钟🙈我叫咗一个忌廉鸡肉+和牛汉堡扒蛋包饭($102) ，一个特选1(咖喱猪肉，浓茄牛肉同和牛汉堡蛋包饭)($114)，另外嗌咗个芝士鱼肉条($36)😗上到枱，两个饭都好靓仔，只蛋望落去同食落去都好香滑🥰珍珠米粒粒分明😋忌廉鸡肉🍗🥦唔会水埞埞，仲要有好多西兰花同萝卜，可以中和汉堡扒嘅油腻~如果唔太钟意咁浓味嘅话，我会建议嗌忌廉鸡肉配另一个浓味啲嘅汁~🤓咖哩猪肉🍛🐖同样好足料，有菜有肉，而且份量都好够送饭，咖哩汁甜而不辣，好有系日本小店食咖哩嘅感觉😛浓茄牛肉🍅🥩用嘅系牛腩，肉质软淋，茄味同样突出又唔会太酸😙好开胃不过我同男朋友都觉得汉堡扒可以唔使突登嗌，因为唔算好突出，同埋每款汁入面嘅配料都已经好够送饭😋芝士鱼肉条冇咩特别🤣都系过下口瘾咁
我叫咗一个忌廉鸡肉+和牛汉堡扒蛋包饭($102) ，一个特选1(咖喱猪肉，浓茄牛肉同和牛汉堡蛋包饭)($114)，另外嗌咗个芝士鱼肉条($36)😗
上到枱，两个饭都好靓仔，只蛋望落去同食落去都好香滑🥰珍珠米粒粒分明😋
忌廉鸡肉🍗🥦唔会水埞埞，仲要有好多西兰花同萝卜，可以中和汉堡扒嘅油腻~如果唔太钟意咁浓味嘅话，我会建议嗌忌廉鸡肉配另一个浓味啲嘅汁~🤓
咖哩猪肉🍛🐖同样好足料，有菜有肉，而且份量都好够送饭，咖哩汁甜而不辣，好有系日本小店食咖哩嘅感觉😛
浓茄牛肉🍅🥩用嘅系牛腩，肉质软淋，茄味同样突出又唔会太酸😙好开胃
不过我同男朋友都觉得汉堡扒可以唔使突登嗌，因为唔算好突出，同埋每款汁入面嘅配料都已经好够送饭😋芝士鱼肉条冇咩特别🤣都系过下口瘾咁
张贴
