炭家 (已結業)

前两日我哋去咗港岛区食晚餐😍，今次就系食我最钟意食嘅日本菜，餐厅嘅环境唔算好大，但佢嘅装修风格都非常日系，好舒适嘅感觉❤️-首先我哋叫咗鳗鱼重，佢系一个套餐定食嚟嘅，佢系包埋有茶碗蒸同埋鳗鱼啫喱，另外仲有个汤🥰，首先食嘅就系鳗鱼啫喱😍，好特别啊第一次食，口感都唔错㖞，如果茶碗蒸好滑，而且热辣辣💯-跟住个鳗鱼饭超级惊喜呀❤️，鳗鱼大大条非常之肥美，简直好似返咗日本咁呀，肉质好鲜嫩而且多汁😍 佢系用备长炭烧嘅鳗鱼 而且烧得焦香💯-另外我哋叫咗炭烧生蚝套餐，北海道仙凤趾生蚝😋 大大只非常肥美，淡淡嘅海水味，好鲜甜😍。另外套餐跟一支清酒，我哋拣咗黑松剑菱清酒，味道甘甜，同生蚝嘅鲜味好夹😊-然后我哋食咗几款串烧😋，分别有鳗鱼肝串、鸡胸肉紫苏卷、豚芦笋卷同洋葱🧅，而我最钟意食嘅就系洋葱串，洋葱系来自日本嘅淡路岛，佢嘅甜度比较高 烧完之后一啲都唔辣，而且口感好软身💯💯，另外鳗鱼肝串亦都好特别唔知大家知唔知道一条鳗鱼只得一个肝，算系一种好矜贵嘅食材嚟㗎😋，味道带点甘，几有咬口，都几特别我都几钟意食❤️-鳗鱼厚烧玉子，玉子嘅中间夹住鳗鱼 玉子口感好滑，加咗鳗鱼喺入边简直系丰富晒成个口感😋 成个层次升华晒呀😍，