蕃茄仔

营业中

休息中

蕃茄仔铺头仔唔大，好似得八张二人台，所以就算平日，晚上6先开铺10分钟内都已经爆场。开铺前到收铺经过门口永远都望到有慕名而至既人等待既身影。距离公司唔远，所以放工过嚟岩岩好食可以头轮。.特级安格斯牛肩胛+稻庭乌冬+手工芫茜饺 💲78+💲22⭐️ 4/5 汤底系用香甜既蕃茄蓉浓汤，质感好杰同厚，底仲有跟炸蒜同葱。牛肩胛有三大块，肉质合格。乌冬正常发挥，但系朋友话上海面会更加挂汤，下次会试吓。另加既手工芫茜饺不过不失，下次应该会试其他。.炭烤风味鸡扒+稻庭乌冬+野生杂菌💲78+💲18⭐️ 3.5/5回带另一次拣左鸡扒。鸡扒烤得好香但都几干身无咩肉汁，基本上鸡皮都已经烤到冇晒油好薄好脆。但系比较上，牛肩胛出色啲。另加既野生杂菌一份唔算平，菇有处理过牛油煎得干身香口。但系份量唔算多，性价比较低无encore。