隨心 (已搬遷) 新店位置

日前晚上去试港岛东少有以新加坡菜为主打既餐厅，新加坡味道感觉就唔太浓，但当普通餐厅既话，无论装修同食物，都系不错既选择。装修方面，座位间格都舒适，适合同朋友静静地倾偈。服务态度都不错，由于门口刚有货车停泊，有废气味由门口传入，与员工反映后都马上关上门，而且有人出入后都主动将门关上。加上定时为我地水杯加水，所以我对服务都有几高评价。食物今次叫左一碗海鲜喇沙，一碟海南鸡饭，一份串烧及胡椒酸菜鱼。喇沙黎讲唔太浓味，个人口味可以浓郁多一点，所以评价一般；海南鸡饭有香味十足既鸡油焗饭，加上嫩滑既海南鸡，味道都算中上味道；串烧有猪肉及鸡肉，肉质都不错，但配合太甜既沙嗲酱，感觉不太合衬，不沾酱反而味道较好；胡椒酸菜鱼系今次最有惊喜既菜式，鱼既材料十分新鲜，炸后鱼味依然鲜甜，闻落酸但入口清新既酸菜都几有特色。