影片
更多
2016-05-22
497 浏览
住红磡嘅朋友话俾住港岛嘅我知，未食过「红磡冰室」嘅人唔可以话自己系红磡人，仲叫我去到红磡一定要去朝圣咁话。本身都谂住揾个weekend去，点知搞搞下冇左件事。但系，原来食嘢同爱情一样，都系一件很玄的东西。当我已经忘记左「红磡冰室」嘅时候，原来佢已经喺港岛开左分店，喂呢铺唔驶过海都食到㖞，送到埋口咁就手，唔食真系罪大恶极呀，就系咁，我即刻就去叹左个brunch啦。上路前，我请教左我𠮶位讲过𠮶句豪言壮语嘅朋友，去到「红磡冰室」应该要食啲乜，佢一秒都冇谂过就答我：「常餐，瑞士鸡翼捞公仔面配炒蛋同蒜蓉多士，一定要转蒜蓉多士，如果唔系同冇黎过冇分别，呢度炒蛋够滑，野饮就随便叫啦因为叫咩都系麻麻地，我自己就通常叫茶走嘅。」𠮶种不加思索嘅坚定，或者应该叫做「红磡精神」。排左一阵队之后，一个待应姐姐带领我黎到冰室左下角嘅卡位。我一嘢坐左落去，然后一轮嘴同个姐姐覆述𠮶个常餐order，连餐牌都冇望过，因为我已经背左，而且入黎之前仲喺心入面练习左好几次，你知啦，第一次系紧张啲（毒L mode)。当我仲沾沾自喜紧自己不加思索咁落order呢件事，成个常餐已经出现喺我眼前：蒜蓉包好厚身，烘得外脆内软，蒜蓉搽得
本身都谂住揾个weekend去，点知搞搞下冇左件事。但系，原来食嘢同爱情一样，都系一件很玄的东西。当我已经忘记左「红磡冰室」嘅时候，原来佢已经喺港岛开左分店，喂呢铺唔驶过海都食到㖞，送到埋口咁就手，唔食真系罪大恶极呀，就系咁，我即刻就去叹左个brunch啦。
上路前，我请教左我𠮶位讲过𠮶句豪言壮语嘅朋友，去到「红磡冰室」应该要食啲乜，佢一秒都冇谂过就答我：「常餐，瑞士鸡翼捞公仔面配炒蛋同蒜蓉多士，一定要转蒜蓉多士，如果唔系同冇黎过冇分别，呢度炒蛋够滑，野饮就随便叫啦因为叫咩都系麻麻地，我自己就通常叫茶走嘅。」𠮶种不加思索嘅坚定，或者应该叫做「红磡精神」。
排左一阵队之后，一个待应姐姐带领我黎到冰室左下角嘅卡位。我一嘢坐左落去，然后一轮嘴同个姐姐覆述𠮶个常餐order，连餐牌都冇望过，因为我已经背左，而且入黎之前仲喺心入面练习左好几次，你知啦，第一次系紧张啲（毒L mode)。
当我仲沾沾自喜紧自己不加思索咁落order呢件事，成个常餐已经出现喺我眼前：蒜蓉包好厚身，烘得外脆内软，蒜蓉搽得平均，仲加左啲香草，滋味十足。炒蛋香滑，杯茶走就茶味略淡，不过不失啦。至于主角瑞士鸡翼呢，一睇佢黝黑嘅肌肤就知道好入味。的确，一口咬落去，肉嫩味浓，两个字，高质。公仔面爽口，唔会太稔或者太硬，有人话觉得啲瑞士汁太甜，不过嗜甜嘅我就觉得好正啦，呢铺真系学Dr. tree gun 话斋，「食碗底反碗面」，我直头想舐干净埋碗底啲瑞士汁呀！
喺北角嘅分店都咁高水平，唔知总店嘅质素会系点呢? 「所谓伊人，在水一方」，睇黎之后真系要的起心肝过海会一会「红磡冰室」呢位佳人啦！
常餐
$43
26 浏览
0 赞好
0 留言
张贴
