火鍋撚 (日富里百好大廈) (已結業)

自己一向都好钟意打边炉，平时都会周围去试吓唔同嘅火锅店睇吓有冇惊喜，今次难得系港岛区就试下呢间火锅撚。餐厅座位宽敞唔局促而且十分干净。餐牌有七款汤底选择，有啲汤底西环限定，拣咗妈妈滋补老火汤锅。汤底未嚟之前叫咗个黄金鸡软骨小食，呢个小食真系冇得顶，每一粒鸡软骨都包住厚厚的咸蛋黄，咸蛋黄味超浓郁，而且入口又爽脆，超级正重点推介小食。妈妈滋补老火汤汤底有红萝卜、粟米、红枣、龙眼、螺头、瘦肉 、鸡肉等等，开始落食物之前当然要试吓个汤底，汤底味道非常浓郁，饮咗几碗先开始打。海鲜方面叫咗鸳鸯双蚌同脆鲩骨腩，鸳鸯双蚌即系珊瑚蚌同桂花蚌，可以一次过试晒两款 👍🏻 两款蚌都非常新鲜，而且仲会有温馨提示牌话你知要渌几耐食最佳。丸类方面侍应推介流心咸蛋黄猪肉丸，果然冇介绍错，猪肉丸里面包住咸蛋黄，钟意食咸蛋黄嘅朋友一定要叫呢款。试完侍应推介嘅丸后，侍应再推介黑松露墨鱼滑，所以就叫咗份试试，试完真系返唔到转 😍 食完再叫多份，因为实在太正喇 🤤 墨鱼滑食起上嚟爽口之余仲带阵阵黑松露香味。见隔篱枱叫咗呢个拼盘自己心郁郁就叫埋 😋 拼盘有牛筋、牛肚同大肠，份量都唔少，而且洗得干净冇异味。