影片
更多
2021-05-31
15518 浏览
五月头去左九龙香格里拉大酒店Staycation，等我地五月尾黎返个港岛香格里拉大酒店Staycation先！呢个酒店Staycation package包24小时住宿体验（适用于周五至日及公众假期之退房）加二人早餐同$1000酒店消费额，总共收费$2000另加一。平日入住仲可以有30小时住宿体验。我其实都算系港岛香格里拉大酒店既常客，不过Staycation都系第一次。Cafe TOO系过去十年我最常黎既酒店自助餐餐厅之一，真系见证住呢度越做越退步。不过今次带住小朋友，都系食自助餐好d，所以都系黎呢度食个lunch先check-in！一齐睇下有咩食啦！呢度d野食分好几区。一入门口就见到呢个色彩缤纷既沙律吧。开头仲以为系display，之后先发现原来系食得既！不过上面个行真系display，下面个行先食得。沙律吧有好多唔同种类既新鲜沙律菜，亦有粟米，车厘茄，西兰花，椰菜花，意式黄瓜等等，新鲜健康。沙律吧隔离都有d沟好左既沙律，例如烤南瓜沙律，豆角等。沙律酱有三款。仲有凯撒沙律。沙律区转角就系鱼生区。鱼生只有四款，即北寄贝，金枪鱼，三文鱼，八爪鱼，要等师傅切或者攞俾你。Cafe Kool
我其实都算系港岛香格里拉大酒店既常客，不过Staycation都系第一次。Cafe TOO系过去十年我最常黎既酒店自助餐餐厅之一，真系见证住呢度越做越退步。不过今次带住小朋友，都系食自助餐好d，所以都系黎呢度食个lunch先check-in！
一齐睇下有咩食啦！呢度d野食分好几区。
沙律吧
254 浏览
5 赞好
0 留言
一入门口就见到呢个色彩缤纷既沙律吧。开头仲以为系display，之后先发现原来系食得既！不过上面个行真系display，下面个行先食得。沙律吧有好多唔同种类既新鲜沙律菜，亦有粟米，车厘茄，西兰花，椰菜花，意式黄瓜等等，新鲜健康。
沙律
225 浏览
0 赞好
0 留言
沙律吧隔离都有d沟好左既沙律，例如烤南瓜沙律，豆角等。沙律酱有三款。
仲有凯撒沙律。
鱼生区
233 浏览
0 赞好
0 留言
沙律区转角就系鱼生区。鱼生只有四款，即北寄贝，金枪鱼，三文鱼，八爪鱼，要等师傅切或者攞俾你。Cafe Kool都有五款啦！
鱼生
139 浏览
0 赞好
0 留言
得北寄贝又大又新鲜，其他都麻麻地。唔怪得唔洗排队。
鱼生区隔离就系寿司卷物同冻肉。烟熏三文鱼有劲多，火腿有风干火腿同义式肉肠。寿司无仔细望，卷物有青瓜寿司蛋卷，牛油果虾卷，忌廉芝士腐皮卷，吞拿鱼沙律酱卷。Cafe Kool都有少少日式前菜啦，呢度无。
之后就到冻海鲜区。冻海鲜有蟹脚，面包蟹，青口，黄金螺，鲜虾。今次我无试到。
泰国区
193 浏览
0 赞好
0 留言
冻海鲜区隔离就系位于角落既泰国区。泰国区食物以沙律为主（Cafe Kool则以热食为主），有青木瓜沙律，泰式凤爪沙律，牛肉沙律，泰式猪肉碎沙律，泰式粉丝虾沙律，粟米沙律，冬荫功汤同虾片。我试左青木瓜沙律，牛肉沙律同泰式粉丝虾沙律，不过不失。
点心
180 浏览
0 赞好
0 留言
去返餐厅入口另一面就系点心区。点心区比Cafe Kool既三款多好多，有虾饺，烧卖，猪肉蒸饺，素饺，珍珠鸡，豆沙包同马拉糕。虾饺个饀鲜甜爽脆，块皮就稍为厚左少少。烧卖都皮薄饀靓。猪肉蒸饺就唔得，皮厚饀少。豆沙包个豆沙饀好食，不过包太多。
中式区
166 浏览
0 赞好
0 留言
点心区接住落就系中式区。中式区有XO酱牛松炒饭，金银寸鲜鱿蒸茄子，罗汉齌豆腐，蜜汁酱烧猪肋骨，京式干烧鱼片。中汤系合桃虫草花螺片煲唐排。Cafe Kool有中式前菜，呢度又无。不过中式热食就好似比Cafe Kool稍稍名贵d。
金银寸鲜鱿蒸茄子，叉烧，烧鸭，罗汉齌豆腐，蜜汁酱烧猪肋骨
140 浏览
1 赞好
0 留言
金银寸鲜鱿蒸茄子既鲜鱿真系好新鲜。蜜汁酱烧猪肋骨既汁好味。京式干烧鱼片几特别又香口开胃，不过好多骨。
西式区
143 浏览
0 赞好
0 留言
中式区接住落就系西式区。首先有好好味既菠菜同薯仔。换菠菜出黎之前系番茄。
专人即切烤牛肉同烤羊脾
174 浏览
0 赞好
0 留言
西式区有专人即切烤牛肉同烤羊脾，另外仲有肠仔。
烧牛肉，烧羊脾，京式干烧鱼片，金银寸鲜鱿蒸茄子，蜜汁酱烧猪肋骨
142 浏览
0 赞好
0 留言
烤牛肉同烤羊脾质素都唔错，好嫩。
西式区
142 浏览
0 赞好
0 留言
其他西式食物仲有芝士通心粉，煎鱼配红花汁，慢烤猪里脊，焗茄子。西汤系忌廉蘑菇汤。选择好少兼无名贵菜式。
卤水蛋，卤水豆腐，烧鸭，叉烧同油鸡
124 浏览
0 赞好
0 留言
呢区临尾仲有卤水蛋，卤水豆腐，烧鸭，叉烧同油鸡。叉烧半肥瘦唔错，烧鸭则太干。
粉面档
120 浏览
0 赞好
0 留言
隔离就系粉面档。粉面档肉类配料有猪肉丸，龙虾丸，墨鱼丸，鱼皮饺，鱼片。蔬菜配料有菜心，菠菜，油麦菜，唐生菜，银芽，金菇。面条都有几款拣，有日本拉面，油面，濑粉，新竹米粉。汤底有猪骨汤底同鸡肉汤底，不过无Cafe Kool既叻沙。粉面档有个牌写住兰州拉面，不过我怀疑好少人食。
炸物区
108 浏览
0 赞好
0 留言
天妇罗区令人好失望，居然变左炸物区，得炸鱼，炸薯角同黑松露巴马臣芝士薯条。炸鱼个皮麻麻地。失望！
炸物区隔离就系炖汤，炖汤一点先开始供应。是日炖汤系准山杞子瘦肉炖鸡，我饮左几啖，真材实料味道正常。
炖汤区隔离就系铁板烧区。呢个系Cafe Kool无架，可惜只系日式大阪烧，完全唔吸引。同埋呢度唔见有Cafe Kool既专人即煮意粉。
铁板烧区隔离就系印度区。印度区有鸡咖喱，牛肉咖喱，扁豆咖喱，天多利烤鸡，免治羊肉串，印度烤饼。印度野唔系我杯茶所以都无试。
甜品区
108 浏览
0 赞好
0 留言
至于我最最最重视既甜品区，其实系餐厅中间，摆出黎好吸引眼球，未食先兴奋！不过无可否认，甜品选择系少左劲多，以前净系杯仔慕丝或者啫喱都有多过一款拣，而家全部甜品都只系得十几款拣，有薄荷青柠白朱古力，黑朱古力车厘子，梛子芒果，白朱古力红莓，白朱古力青苹果，芝士饼，荔枝红桑子，枫糖黑加仑子，樱花白朱古力慕丝。
芝士饼，梛子芒果，枫糖黑加仑子，荔枝红桑子，黑朱古力车厘子，白朱古力红莓，Cheese Tart，白朱古力青苹果
116 浏览
1 赞好
0 留言
不过好在质素都仲叫保持到，基本上样样都好食，有层次又唔会过甜。芝士饼好浓厚好食。薄荷青柠白朱古力小杯好清新。其他卖相好之余味道都唔错。
甜品区
96 浏览
0 赞好
0 留言
新野有芝士挞。芝士挞有滑溜芝士馅加上够脆同牛油味浓既挞底。
甜品区
260 浏览
1 赞好
0 留言
甜品区另一边仲有朱古力布朗尼，朱古力蛋糕同朱古力挞，真系少左好多款。朱古力挞既朱古力酱又滑又浓，挞底够脆同牛油味浓。朱古力布朗尼都唔错。朱古力蛋糕就普通d。
甜品区
104 浏览
0 赞好
0 留言
放系花型食物架上面既法式杏仁饼同泡芙就好吸引眼球。法式杏仁饼得绿茶同士多啤梨味，不过质素都几好，又脆又湿润而唔过甜。泡芙有柠檬同士多啤梨味，外脆内滑。
Haagen Dazs 雪糕
148 浏览
0 赞好
0 留言
最正系有我最钟意既Haagen Dazs 雪糕！呢度仲有八种味道（比Cafe Kool多两款），有士多啤梨，云呢拿，朱古力，绿茶，曲奇忌廉，冧酒提子，芒果，红桑子sherbet。可惜雪糕toppings得彩虹朱古力碎同M&M's。
Pancake
133 浏览
1 赞好
0 留言
原本都唔知原来仲有做pancake，见到有人食即刻叫返份试吓先，热辣辣嘅薄身软腍薄饼再加上融紧嘅香滑雪糕，一冷一热，好正。之后再encore多份，个服务员烤块pancake烤得耐左，反而意外哋令块薄饼劲脆，呢个口感仲正。
面包系Haagen Dazs 雪糕隔离，有蒜蓉法式面包，软牛奶面包，意大利香草和芝士面包，德国咸面包，迷你法式面包，酸面团面包，法式长条面包。芝士有几款，自己切。
生果
107 浏览
0 赞好
0 留言
生果分好一杯杯，主要系菠萝，西瓜同哈蜜瓜。之后见到少有既杂果加黑莓，系限量架！
每人包一杯餐茶，唔可以转果汁。
总括而言，一排冇黎呢度食自助午餐，感觉选择少左好多，名贵野食完全冇，值得encore嘅热食同刺身都冇乜，普通西式食物逊色，炸物令人失望。所以今次都唔算人多，好少要排队。好在仲有我最爱嘅雪糕同pancake，甜品黎讲都够食，只系选择少。值得一提系服务好左好多，上次旧年十月黎食自助晚餐服务劲差，今次好似换哂人，大部分服务员会同你有倾有讲，食得好开心。枱同枱之间距离够，坐得舒服。
比较近排食过既九龙香格里拉Cafe Kool同隔离港丽酒店Garden Cafe自助午餐，呢度绝对多野同好食过Garden Cafe！不过个人觉得Cafe Kool性价比高好多，所以劲多人。
是日星期六每位成人收$528 +10%，$1000酒店消费额系唔够要补钱，不过登记左入住既小朋友系免费，即刻抵好多。平心而论，如果以呢个正价价钱黎讲，就只能勉勉强强俾OK啦。
张贴
