天后串燒餐廳

营业中

休息中

肥髀游完水好肚饿，本来想带佢食一间拉面店，可惜刚刚到了落场时间食唔到！在附近都有好多餐厅！拣咗间串烧店！入去系普通港式日本菜格局，黑色桌椅好迫好窄！墙上装饰啲和式扇子同旗帜！一个马尾婶婶放低餐牌比我哋，听到我哋会食串烧就放低多两张串烧点餐纸！午餐锅烧乌冬（$50）铁锅上，热辣辣，汤底甜甜地嘅味淋味道，加娃娃菜，及鸡肉、海带！乌冬弹粗身牙，鸡肉系鸡髀肉，弹牙但略嚡！娃娃菜嫩口爽脆！海带爽口！味道好！串烧：羊架：肉质好肥美唔膻！香草腌得入味均匀！牛舌：皇牌必选，真系唔错，出晒油好肥美，有咬口但唔硬，牛味浓又唔膻！面头洒满黑椒粉！微辣又惹味，正！蕃薯：一串四粒，好甜糯！皮唔硬！正！冻柠茶少甜：几大杯，系我接受到嘅甜度，又唔会淡！我同肥髀一齐饮都够！食物质素比想像中好，不过串烧感觉港式！员主要有两个，马尾婶婶比较掘，讲说话好心急，其他食客攞杯或唔明佢讲乜，佢会黑面！另一个后生女仔斯文！男店员负责收钱，有笑容！大致上都ok!