吔咩嗲 吔嘢事無所

营业中

休息中

一汁多菜定食（$88），可选一热两冷菜 / 两热一冷菜，最后要咗两客两热一冷菜。一汁：野菌田园奶油汤，味道不错，有层次，有奶香、菇香、胡椒香，但洋葱味无乜。热菜：秘制Masala鸡，Masala酱微辣惹味，鸡扒肉嫩。热菜：海老明太子伴西兰花，有四五只虾仁，爽口，明太子唔多所以味道唔出。热菜：即制惹味大阪烧，大量蔬菜，但煎得唔够香口。热菜：鹿儿岛吉列黑豚肉饼，炸得几好，外脆里面仲有少少肉汁。冷菜：南瓜沙律配苹果青瓜坚果，几特别，口感清新。冷菜：自家制温泉蛋配花椒鲣鱼汁，专登拣嚟捞饭用。白饭，两碗都食到少少硬嘅饭，疑似干身咗嘅饭焦。整体嚟讲，可以一试。食物款式选择都多，食落有香港住家菜嘅味道。PS：自己 scan QR code 落单。没有加一服务费。