影片
更多
2017-04-28
448 浏览
餐厅环境位置：餐厅为活化建筑， 邻近屋邨， 装修别具特色， 分为几个小房格， 每一格都有自己嘅风貌， 例如：旧式班房设计， 港式茶室， 家居摆设 等等。 佢仲有露天茶座位置， 俾钟意同阳光玩游戏嘅朋友坐添。 未食嘢先影相饱 都算系佢最大嘅特色。 食物饮品：既然以冰室为主题， 当然唔少得各式各样分时段嘅餐牌 ，方便快速嘅香港人容易选择食啲乜。 大路嘅焗饭炒嘢，另加一啲新式嘅fusion菜式， 都系一啲唔难想像到嘅香港嘢食， 切合餐厅主题。饮品方面，传统嘅红豆冰， 佢花咗少少心思 ，用咗支装维他奶畀你自己mix。 另有各大cafe提供嘅咖啡饮品，俾钟意咖啡奶茶嘅人士。食物卖相睇得， 食落味道仲唔错添。餐厅服务：餐厅以自助形式， 去收银买飞 ，然后佢畀个电子板你， 咁你就可以坐埋位同人吹水。 等个电子板响 ，之后先出去拎嘢食 ，有啲似系foodcourt咁啦。收餐都系自己放返好个托盘， 好似学校饭堂咁， 所以都冇乜机会同侍应生交流， 好处系佢哋都唔会阻住你嘅， 可以好舒服咁同朋友聚下。整体感觉良好。卫生情况：座位卫生良好， 装修新净 ，厕所行出少少就到啦。 间嘢星期日去到人流量都算多，一切都
餐厅为活化建筑， 邻近屋邨， 装修别具特色， 分为几个小房格， 每一格都有自己嘅风貌， 例如：旧式班房设计， 港式茶室， 家居摆设 等等。 佢仲有露天茶座位置， 俾钟意同阳光玩游戏嘅朋友坐添。 未食嘢先影相饱 都算系佢最大嘅特色。
食物饮品：
既然以冰室为主题， 当然唔少得各式各样分时段嘅餐牌 ，方便快速嘅香港人容易选择食啲乜。
大路嘅焗饭炒嘢，另加一啲新式嘅fusion菜式， 都系一啲唔难想像到嘅香港嘢食， 切合餐厅主题。
饮品方面，传统嘅红豆冰， 佢花咗少少心思 ，用咗支装维他奶畀你自己mix。 另有各大cafe提供嘅咖啡饮品，俾钟意咖啡奶茶嘅人士。
食物卖相睇得， 食落味道仲唔错添。
餐厅服务：
餐厅以自助形式， 去收银买飞 ，然后佢畀个电子板你， 咁你就可以坐埋位同人吹水。 等个电子板响 ，之后先出去拎嘢食 ，有啲似系foodcourt咁啦。
收餐都系自己放返好个托盘， 好似学校饭堂咁， 所以都冇乜机会同侍应生交流， 好处系佢哋都唔会阻住你嘅， 可以好舒服咁同朋友聚下。
整体感觉良好。
卫生情况：
座位卫生良好， 装修新净 ，厕所行出少少就到啦。 间嘢星期日去到人流量都算多，一切都保持干净企理，自助服务餐厅计，都算唔错。
价钱：
餐厅午间价钱大众化， 就算系晚餐都唔算太贵， 实在系有冰室嘅风范。 又食得又影得都几好。
整体感觉：
餐厅位置深水埗石硖尾中间位置， 需步行少少， 但容易找到。
装修别具特色， 影相影不停。
食物有本地风范， 而且味道唔错。
有包装，有内涵， 属于同朋友相聚倾计食嘢嘅好地方， 仲有机会畀你同朋友讲返旧事嘢添。
13 浏览
0 赞好
0 留言
张贴
