真姐港台美食

营业中

休息中

骆驼漆大厦真系又多嘢睇又多嘢买，行得耐咗就想买啲小食，就帮衬吓呢间真姐港台美食。早餐时段有套餐供应，今时今日嘅物价算系几抵食。港式小食当然唔少得煎酿三宝，$20/5件，$30/8件，我每款要咗一件，食物新鲜，鱼肉都弹牙。 行到铺外已经闻到香喷喷嘅惹味牛杂，都好多人帮衬。陈皮鱼蛋有辣有唔辣，热辣辣又够大粒。炸鱿鱼须同一般食开嘅做法有啲唔同，而佢嘅鱿鱼须特别大条，所以劲爽口。生菜鱼肉嘅鱼肉相对就比较腍身，胜在汤底够鲜味。鱼肉同生菜嘅份量都唔少。呢度仲有台式小食，爆浆芝士蛋饼入面有满满嘅芝士，真系会爆晒出嚟。肉松粢饭就买嚟第二日做早餐，入面都系爆晒馅。呢度位置够晒方便，行开观塘都可以帮衬吓。