八福 (已結業)

用膳当日系平日晚上，餐厅本身应该好冷清下，因为系女人街入面，唔系当眼位。食物完全模仿日式餐厅，以乌冬、丼饭等为主食。今次用膳食左【照烧鸡扒吉列鱼柳饭+迷你热汤乌冬】：HKD63及【汁煮牛肉断脆香鸡翼饭+迷你热汤乌冬】:HKD63两个餐都有跟小食，分别跟左中华沙律同泡菜。两个饭嘅份量都适中但唔算多，肉嘅份量就真系几多下。食物质素方面，照烧鸡扒好一般，唔够香；炸鱼柳唔够脆；鸡翼就几脆，但又唔够香；牛肉就太散。整体卖相就唔错嘅。