樓下冰室 (已結業)

系荃湾附近打完拳，男朋友一路推介话之前自己好中意食呢间冰室于是就跟佢去试试，晚餐时间都有几多人排队，冰室坐爆但格局唔会感觉局促，布置都设计成80年代冰室模样，红沙发白瓷砖。我叫左好出名既瑞士鸡脾，大大只，瑞士汁甜度适中，而且上枱佢地都会比好瑞士汁垫底，够juicy, 肉质嫩滑，最正系连鸡皮食，我仲有叫左火腿奄列配蒜蓉多士，蒜蓉味好足，多士烘底外皮够脆，推介红豆冰少冰多奶，好多红豆够晒味，台式鸡扒肉燥饭都值得一试，肉燥捞饭够juicy, 唔会太过dry, 鸡扒腌得够味，大大碗够暖胃啦冬天