尚上下夏 - 養生雞煲火鍋 (已結業)

记得早前经过山林道有间店名比较易记既火锅店叫"尚上下夏", 所以系网上一SEARCH之下见到唔少好评, 所以我地今晚就去一试。今晚系星期日, 晚饭时段店内全场爆满, 幸好我地等左阵都好快有位。店内装修富有港式大排档风味, 不同之处就是可以在冷气下打边炉。酱料方面, 每位HK$12, 可自由混酱黎呢度当然要试下佢地既招牌菜----鸡煲【鸡煲单锅】HK$158/半只鸡煲可以拣辣同唔辣, 我地拣左唔辣。半只鸡已被切件, 而且已经煮熟了8成半, 上台后稍为再焗一下就食得。当中除左有鸡件外, 仲有少少猪皮同埋大量配菜。酱汁较杰, 咸中有点少甜。 不过鸡件就未见入味~呢度有一与众不同既系平时出面食完鸡煲, 都会直接加清汤/清水就开始打边炉, 但呢度既系要另拣汤底。我地就拣左【瑶柱群翅鸡汤】HK$48汤底系直接加落食完既鸡煲中,不过就未见有瑶柱, 只见一件翅骨, 同埋大量配料【手切顶级安格斯】HK$238 (大)色泽红润, 脂肪分布平均, 带点牛味【鬼马墨鱼】HK$58香脆油炸鬼上加了墨鱼滑同埋大量既蟹子, 呢款亦是吸汤底精华既其中一款。油炸鬼吸左汤底味道, 略有弹牙既墨鱼配上粒粒蟹子, 口感丰富。