洪昇食堂 (裝修中)

第一次去天水圍閒逛，路經洪水橋，便試試這間大牌檔。大牌檔環境尚算企理，冷氣夠涼快。食物方面，我們兩人點了以下食物：1)胡椒蝦$88~胡椒惹味，蝦大隻，有鮮味。2)乳鴿$70~食得出係鮮炸，很美味，如大隻些更完美。3)啫啫唐生菜煲$128~足料夠鑊氣，煲內有好多大大隻蝦乾，配飯食一流。4)芫荽皮蛋肉片湯$88~足料下火湯，兩個人飲唔晒。整體而言，洪昇食堂食物質素高，想一試港式大牌檔風味小炒的，不容錯過。