順興餐廳

营业中

休息中

九龙城多泰国菜就系人都知，不过食得多泰国菜，都想食返港式味道，于是今日就嚟咗呢一间顺兴餐厅，见佢环境都几舒服，太太间而且装潢得几好，于是就决定拣佢食晚饭！茶餐厅来讲佢嘅菜食种类有好多，除咗有焗饭，咖喱，米线，乌冬，鲜鱼汤，小菜，小食之外，仲有好多唔同嘅包类，饮品，有好多我都好想食，最后我哋叫咗椒盐鲜鱿，T骨牛扒配薯菜，蛋挞，猪扒菠萝包配驰名顺兴无冰奶茶同玫瑰茶走。先讲下歌椒盐鲜鱿，虽然唔系平时喺出面餐厅食𠮶种，无好强嘅椒盐味，但系味道都几特别，而且个先有唔会好韧，好爽口！至于朋友个T骨牛扒配薯菜都几好，我哋叫咗五成熟，虽然感觉比五成熟再熟小小，不过都好好切，而且大大块。蛋挞唔算太大特别，反而个猪扒菠萝包就令我觉得好惊喜，个猪扒超级好食，肥瘦好平均，而且煎得刚刚好，所以一食落去都唔使点咬，好似可以入口即溶咁，而且个面包好香脆，两样配搭起上嚟一流！至于饮品方面，个驰名顺兴无冰奶茶都好值得推介，奶茶好滑，而且茶味浓，至于个玫瑰茶走都好特别，上面铺满玫瑰花瓣，玫瑰花瓣嘅玫瑰味非常突出，感觉好Fresh,不过略甜左少少,但整体来讲都相当吾错！