蘭芳園

营业中

休息中

星期日嘅下午，起身就想食个公仔面。懒得系屋企煮，因为煮完又要洗碗😂 因为顺便要去尖沙咀买野，所以就早少少出门口去食野先。谂住去兰芳园都打定输数架啦，一定有排等。点知今日真系天助我也！竟然去到唔洗排队，即刻有位！坐底即点招牌捞面，话哂我都系冲著佢而来。可惜今日唔记得左点太阳蛋，黎到变左熟蛋，失策啊～不过姜葱捞面系唔会令我失望架，好多姜葱好多汁，真系只有香港先有嘅味道。五香肉丁都冇乜好评价嘅地方，而卤水鸡翼就一如既往入哂味。一个面有三个𩠌真系好满足啊～另外仲点少得奶茶呢，虽然热系好饮啲，不过出面三十几度，真系需要降下温～ 奶茶好滑，茶味浓，不过少甜都系偏甜呢～