利豐打冷小廚

营业中

休息中

冬菇亭除咗食回忆食人情味，其实小炒都真系好出色利丰打冷小厨餐牌选择好丰富，潮州菜同地道港式小炒乜都有胡椒猪肚蚬汤($95)白胡椒恰到好处，少少微辣，加埋海蚬汤头更加鲜甜，蚬肉大粒冇沙，猪肚爽口弹牙京葱尖椒爆鲜鱿($90) 食亲大排档都一定会叫鲜鱿，今次唔叫椒盐鲜鱿，试下新花款，呢碟鲜鱿尖椒味好浓郁，惹味得嚟又唔会盖过鱿鱼嘅鲜味，鱿鱼片爽脆嫩滑红烧乳鸽($58)上枱热辣辣，外皮炸得好脆，同埋都几干身，冇咩滴油，大部分位置都好嫩滑，卤水汁够入味扬州炒饭($47)炒饭粒粒分明，口感干爽唔油腻，足料又大碟，两个人系冇可能食得晒，要打包拎走