六合小廚 (已結業)

呢日同呀妈去完中港城买船飞揾地方食晚饭，行返出Apple shop𠮶边，经过有幢大厦门口，有姐姐好积极叫我哋上7楼食饭，车仔面小菜都有。行嚟行去，已经好攰就上去试下啦😀。上到去都有唔少食客，店员话午餐仲有得叫。不过我哋想叫𩠌食饭，餐厅有几款2人套餐拣，我哋拣咗有虾个款($388)，因为样样都啱食。呢日嘅明火例汤系南瓜青红萝卜汤，好大碗，仲有好多汤渣添🎃🥕，有南瓜所以几甜。港式叉烧拼白切鸡🐓，味道几好，叉烧肥瘦适中；鸡就鸡胸同鸡髀都有。蒜蓉蒸海虾🦐，开边蒸上碟好吸引，份量超多，虾好新鲜，食哂虾已经食唔落粉丝。带子炒西兰花🥦，带子有好多粒，几好味，有碟菜清清地唔错。总括嚟讲，食完我可以肯定讲呢个唔系2人餐，因为份量超多🤣，加多2碗白饭够4个人食呀。餐厅环境无乜特别，正正常常，但都阔落有卡位坐，而店员都几友善，有笑容👍。餐厅除咗小菜外，仲有车仔面、水饺、芝士捞丁等等卖，都几多选择。