小點角落 (新都會廣場)

营业中

休息中

葵芳原来除咗葵广有得食小食，原来隔离新都会有新开主打小食、港式美食嘅餐厅，可以坐低慢慢享受。扫街拼盘有麦皮虾芒果沙律脆筒、碗仔翅、特特大鱼蛋、山椒咸蛋鸡翼、虾头油菜烧卖卖同埋新煎酿三宝，极丰富。煎酿三宝配柑橘腐乳酱好清新。麦皮虾好脆口。麻辣牛根腩配葱油溏心蛋饭，牛筋腩大大嚿，好足料。麻辣好惹味，配埋葱油溏心蛋饭简单而好味。鸡蛋仔101画室，可以用朱古力酱去画画。芋头西米椰皇蛋白，蛋白好滑，配埋椰子，感觉好养生。杨枝甘露果冻碗口感好多元化，有齐鲜芒果、金柚肉、芒果布丁、椰青果冻、手工小圆子、水晶珠，好岩钟意chewy嘅我。点咗两杯特饮。草莓鲜奶唔系药水草莓味，有草莓嘅鲜甜味。而苦瓜香柠茉莉清甜得黎，带少少苦涩。