影片
更多
2022-03-30
314 浏览
唔经唔觉今次嘅疫情惊影响咗我哋嘅生活超过两年，我谂系大部份香港人嘅心目中，改变得最大嘅其中一个生活模式就系冇得去旅行，就系因为咁反而衍生出会周围去香港唔同嘅地方探索一下！西贡绝对系其中一个热点，依家每逢礼拜六日，西贡就变成一个景点，相信入去西贡行吓嘅人分分钟仲多过喺旺角，我自己前一段时间都有入过去西贡散吓步，估唔到里边仲有一间老字号嘅西餐厅，咁就梗系去试吓，食个Early Dinner先。呢间餐厅无论佢嘅装修风格灯光都好友80年代嘅感觉，入到去先知原来呢间餐厅系1974年开始建立，店舖主要售卖怀旧嘅港式西餐，呢一类型嘅餐厅喺香港已经买少见少，仲要咁多年都屹立不倒嘅话一定有佢嘅原因！今次我哋叫咗蘑菇汁牛柳拼意粉，咖喱炸龙利柳饭，红酒烩牛肉饭同埋焗芝士肉酱意粉。我哋今次全部都系要套餐，所以另外仲有饮品餐汤同埋牛油多士。佢嘅牛油多士我自己超级推介！平时喺套餐上面一啲都唔起眼几多钱估唔到呢度嘅质素超级好，份量好大好厚之余，入口仲要超级酥脆，牛油香味劲浓绝对唔可以错过！佢嘅餐汤都好足料，我觉得都不错。 佢嘅主菜全部都大大碟份量十足，不过因为新鲜制造嘅关系所以等候嘅时间都有少少耐，但系我觉得全部食
西贡绝对系其中一个热点，依家每逢礼拜六日，西贡就变成一个景点，相信入去西贡行吓嘅人分分钟仲多过喺旺角，我自己前一段时间都有入过去西贡散吓步，估唔到里边仲有一间老字号嘅西餐厅，咁就梗系去试吓，食个Early Dinner先。
呢间餐厅无论佢嘅装修风格灯光都好友80年代嘅感觉，入到去先知原来呢间餐厅系1974年开始建立，店舖主要售卖怀旧嘅港式西餐，呢一类型嘅餐厅喺香港已经买少见少，仲要咁多年都屹立不倒嘅话一定有佢嘅原因！
今次我哋叫咗蘑菇汁牛柳拼意粉，咖喱炸龙利柳饭，红酒烩牛肉饭同埋焗芝士肉酱意粉。我哋今次全部都系要套餐，所以另外仲有饮品餐汤同埋牛油多士。佢嘅牛油多士我自己超级推介！平时喺套餐上面一啲都唔起眼几多钱估唔到呢度嘅质素超级好，份量好大好厚之余，入口仲要超级酥脆，牛油香味劲浓绝对唔可以错过！佢嘅餐汤都好足料，我觉得都不错。
佢嘅主菜全部都大大碟份量十足，不过因为新鲜制造嘅关系所以等候嘅时间都有少少耐，但系我觉得全部食物嘅质素都好好，呢个等候嘅时间绝对系可以接受嘅。
蘑菇汁牛柳拼意粉嘅牛柳入口好嫩滑，用叉轻轻一拉就已经可以切到，佢嘅意粉亦都唔会淋晒一旧，配埋佢嘅蘑菇汁我觉得都几好食架！红酒烩牛肉饭超级浓味，食得出店家应该系用咗好多心机去烹调，配上炖煮嘅牛肉绝对系白饭嘅小偷！焗芝士肉酱意粉嘅份量好多，男仔都未必食得晒。芝士嘅份量好多，味道嘅话都算不过不失。最后嘅咖喱炸龙利柳饭可能因为新鲜炸起嘅关系，所以等候嘅时间比较长，但系因为咁，所以我哋更加期待。佢哋嘅咖喱系以前传统细细个食系啲港式西餐厅食到嘅味道，绝对系怀旧同埋香港古早味嘅感觉！龙利鱼柳因为啱啱炸好嘅关系，所以入口超级热辣辣，鱼柳炸到金黄酥脆，配合少少辣嘅嘅港式咖喱绝对系一流之选！整体黎讲我觉得呢间餐厅可以一试，大家如果去西贡嘅话记得唔好错过啦！
张贴
