Table

营业中

休息中

来到黄竹坑地铁站一个新嘅商场Southside，发现有一间装修得非常雅致，又有cafe感觉嘅西餐厅<Table>，餐厅供应嘅食物非常创新，佢混合咗西式日式同港式餐嘅元素，感觉好有新意。先来一个中日混合感觉嘅晚餐，有咖哩牛腩配麻酱乌冬，日式茶碗蒸、薯仔沙律、中式餐汤、养生雪梨茶，另外仲加配咗一杯西式特饮，百香果乌龙茶。咖哩薯仔牛腩做得非常出色，佢嘅咖哩汁非常之香浓惹味，而牛腩嘅肉质非常之软身，入口非常软腍，牛筋腩嘅牛筋炆得非常软绵，绝对值得推荐。茶碗蒸入面有好多材料，有鸡肉、香菇、日式鱼蛋等。而中汤材料亦都非常丰富，最惊喜就系佢个养生雪梨茶，入口青甜润喉。另外叫咗一份牛柳扒餐，配有罗宋汤，亦都加配咗特饮，话梅柚子梳打。呢度嘅牛柳扒餐虽然都系百几蚊，不过佢哋提供应嘅牛柳质素都非常之唔错，绝对比一般港式扒餐嘅餐厅做得优胜理想，佢哋嘅牛扒食材质量几好，牛肉味够浓，可以order五成熟或七成熟，做得非常惊喜。整体来讲，百几蚊人均消费就可以食到比一般cafe餐厅更为理想同特别嘅套餐，实在值得推荐。