八沢 (杏花新城) (已結業)

近排先发现呢间野嘅好，就好似你由细食到大食惯阿妈嘅𩠌，间唔中又想食下嘅港式日本嘢，啱口味得黎又平民价。八沢咖哩吉列虾饭，🍤comfort food 之一，熟悉嘅日式咖哩，配有少少薯仔红萝卜，唔辣微甜，捞饭一流，炸虾不过不失，落单𠮶阵时问可唔可以多饭，又真系多咗饭，开心！黑蒜炙烧极浓黑豚肉拉面，上枱好香，黑蒜油系汤面，饮啖浓猪骨味，加上啲豚肉炙烧过，好香口，要啲肥再炙先够焦香㗎嘛！！各人都各叫咗款少见啲嘅梳打汽水，最日式系佢哋啦，桃味甜啲，而抹茶味就几特别，饮完个口腔仲有股茶味。总结黎讲，成餐都食得好舒服，价钱又实惠，住附近嘅，可以多啲黎帮衬。😊👍🏻