伊賀日本燒肉料理 (已結業)

尖沙咀区一向不乏质素高嘅餐厅，今餐日本烧肉放题同样都可以位列其中。餐厅座落赫德道，地点方便，用平版电脑落单，轻松揿两个制就有野食。首先有我最爱嘅刺身船，带子烟韧，肉厚新鲜；厚切嘅三文鱼，鱼油味香; 而甜虾同样选料上乘，滋味十足。餐前小食同样可以任叫，螺肉及八爪鱼非常惹味，食完之后令人胃口大开，迎接种种嘅肉食。和牛粒同肥牛片嫩口而带有牛香嘅味道; 猪腩肉片烧得金黄香脆，同样美味之极，而各款味道嘅鸡翼酱汁亦掩得入味，令人不禁要多食两只。而炸物即叫即炸，当然要试啦。炸蚝肥美、鸡软骨劲香脆，样样质素都好高! 而烧扇贝加上牛油一齐烧，真系加晒分，品尝份量大嘅扇贝，真系啖啖满足!最后有Movenpick雪糕作结，3种味道任拣，甜丝丝软绵绵嘅质地，确实系高质享受。