永年士多 (寶城洋樓)

营业中

休息中

今朝返工前去叹返个早餐先。呢间餐厅装修得好特别，座位数目又多，又干净，除了一般既卡座外，仲有个位够晒情怀，有张木圆台同几张木凳，上面仲有怀旧既灯。好有特式，好靓，所以我今朝都坐左系呢个打卡位叹返个早餐。呢度仲望到个好用心既设计，就系有间士多仔咁，好有情怀，好特别，又可以回味一下，或者又比新一代认识一下旧时香港士多既情怀。今日点了一份爷爷肠粉餐，肠粉餐仲可以加配两个𩠌，而且都有好多选择架，有烧卖、猪皮、鱼蛋、芝士肠、肠仔等等而我就点了加配烧卖及肠仔。下单比钱后，自己到取餐处取餐，之后就揾返个靓位坐，成个流程出餐都好快。肠粉餐卖相好靓，以一个餐盘盛著一兜满满的肠粉及一杯港式饮品，我选了热阿华田。肠粉香滑，好好味，而且仲有好多酱，食肠粉一定要大混酱，咁先够惹味。而且份量都唔少，饱肚的。点配了既烧卖同肠仔味道都好好，烧卖弹牙，软硬适中，唔会焗到好林，正。另外肠仔都好juicy好好味。食完个靓早餐，仲去买多左份早餐外卖呢。今次买左份糯米鸡餐配热柠水。糯米鸡好大只，而且糯米好绵好好味，中间仲包住好多馅料，好惹味食唔停口。又多料又够味，而且唔会食完令人觉得好重味精好口渴，唔错唔错。