南亞1964 (已結業)

新既南亚餐厅系老店结业之后再系礼顿道开张。新店既装修以白色为主，感觉几舒服，而且比旧店阔落好多。服务亦好左好多，无晒黑口黑面既阿叔，而招呼我地既亚姐都好好礼貌、好有笑容同服务都非常周到，都好耐无见过咁真诚既服务罗。至于食物方面，我地叫左个海南鸡饭同咖啡牛腩饭。两个卖相都不差。海南鸡饭-似港式既白切鸡多，有骨，鸡肉唔够"林"，而且好肥好多油。饭就都唔系好油，但系就唔够香。而且酱油都唔正宗都无黑酱。所以就话似白切鸡多过海南鸡饭。至于咖啡牛腩饭，牛腩几"林"，但系就食唔到咖喱既香辣味道，系非常港式既咖哩。食物同以前旧店差唔多，不过如果来呢到食既人都唔应该要求正宗既东南亚食品，感觉同亚爸亚妈来佢地会好钟意。而且呢到服务真系好好，虽然对食物有d失望，但因为佢地既服务咁好都会再来。