影片
更多
2022-11-13
2113 浏览
潮庭系美心集团旗下餐厅，大概会知道水准。环境设计舒适，服务员亦非常细心妥善，安排好好嘅座位，距离适中唔会太挤迫。餐厅有机械人负责收集碗碟，非常有效率、干净、整齐，其他职员分工清晰，一定有人照顾客人需要。讲番菜式，嚟得食潮洲嘢，我就一定食胡椒猪肚汤及蚝仔肉碎粥，两个𩠌都系必食，仲可试到餐厅水准。蚝仔肉碎粥，味道合格，落埋胡椒粉好够味，但差少少系佢唔够热。胡椒猪肚汤，冇胡椒味及咸菜味，只有猪肚滚汤味咁。同经理讲声，佢解释话系迁就客人口味，唔好咁辣。但你改变咗胡椒猪肚，就唔系胡椒猪肚汤喇，所以其实有啲牵强。但经理都好好人，取消咗个汤。蒜蓉炒豆苗，好食。菜甫肉碎炒蛋，送饭一流。但有啲甜味，可能系菜甫味道，但都好食。鲜枝竹蕃茄煮班球，味道好，见到好多人都有点呢个𩠌。
蚝仔肉碎粥，味道合格，落埋胡椒粉好够味，但差少少系佢唔够热。
胡椒猪肚汤，冇胡椒味及咸菜味，只有猪肚滚汤味咁。同经理讲声，佢解释话系迁就客人口味，唔好咁辣。但你改变咗胡椒猪肚，就唔系胡椒猪肚汤喇，所以其实有啲牵强。但经理都好好人，取消咗个汤。
蒜蓉炒豆苗，好食。
菜甫肉碎炒蛋，送饭一流。但有啲甜味，可能系菜甫味道，但都好食。
鲜枝竹蕃茄煮班球，味道好，见到好多人都有点呢个𩠌。
张贴
