樂園魚旦專家 (新都城中心三期)

营业中

休息中

今日接完小朋友放学，见落大雨就入左商场避雨，见雨越落越大，就决定食埋LUNCH 先返屋企。 就去左己经进驻左新都城一排既乐园食返个香港地道粉面。其实食亲粉面档大多人都同我地一样，根本上唔驶睇餐牌，因为一定有必食既心水，而我屋企小朋友心水就系牛肚河，但系因为佢地话今日好肚饿，所以今次我叫左牛肚河拼牛丸俾佢地食，而我自己就食牛杂河，加多碟鱼皮咁就真系正喇。 落完ORTHER 拎得餐具黎，河粉就黎到喇，大大碗河粉加埋金钱肚同埋牛丸估唔到份量都几足，数过下，有8块金钱肚加2粒牛丸，小朋友SHARE 食。都食唔晒。牛肚好淋，一D都唔韧，牛丸弹牙，仲食到牛腩汁入边既八角味，俾河粉索晒D汁，小朋友食到连汁都饮埋仲举起手指赞。 而我自己既牛杂河同样足料，牛肺、牛肚、牛膀、牛肠 样样齐，我就最钟意食牛膀，一 碗粉就只有一件牛膀，够晒软糯入味，除左佢每样都有3至4件，够晒足料。 唔可以唔提就系佢地既炸鱼皮，其实平时打边炉都会同佢地买，但系真系唔知，原来堂食佢地都系一包咁俾我地㖞，都几好呀，食唔晒仲可以拎返屋企添呀。