Wheatfield X 羅宋湯專門店 (漢宮閣) (已搬遷) 新店位置

罗宋汤究竟系源自俄罗斯定乌克兰？近期俄乌两国除咗局势持续紧张，其实两国仲有罗宋汤冲突。喺2022年，乌克兰版本嘅罗宋汤正式被联合国教科文组织列入濒危非物质文化遗产。不过，无论俄版定乌版嘅罗宋汤，口味都未必适合香港人，所以喺港式餐厅食到嘅都系港式罗宋汤。如果你都钟情港式罗宋汤，推介太古城嘅Wheatfield X 罗宋汤专门店。猪髀肉罗宋汤+咖喱鸡球饭罗宋汤可以拣牛腩或猪髀肉，对于唔钟意食牛嘅朋友，都有选择。热辣辣嘅罗宋汤，汤底非常香浓，酸同辣嘅比例啱啱好，重点系劲足料。至于猪脾肉就好似日式叉烧，肥瘦度啱啱好。至于咖喱鸡球饭嘅咖喱汁劲好送饭，鸡球非常嫩滑。牛腩罗宋汤配螺丝粉+板烧鸡扒罗宋汤除咗可以拣牛腩或猪骨，其实面底都有多个选择，除咗螺丝粉，仲有意粉、米线等，但我哋觉得螺丝粉同罗宋汤系最夹。至于套餐嘅小食就拣咗板烧鸡扒，板烧鸡扒够入味同juicy，仲细心帮你切件上，食落够晒方便。