隆記茶室 (已結業)

见屋企附近开咗新餐厅，成日经过都心郁郁想试下，终于有日收工拉埋个fd去食〜舖头唔算好大，但座位都坐得几舒服，店员比咗卡位我地坐打开menu见野食款式都几多又够特别，心大心细十五十六都唔知拣边样好最后我地叫咗铁板纽西兰牛柳同酥金宝铁板纽西兰牛柳卖相唔错，落单既时候店员会问你要几成熟，我叫咗七成熟同拣咗要黑椒汁牛柳切开见到成好厚身食落肉质唔系出面𠮶啲用梳打粉腌到“梅”晒既牛柳，keep到牛肉既质感之外仲几香口，而且份量岩岩好金酥宝配乌冬就系类似农夫包咁用一个外脆内软既包装住龙虾汁，然后食𠮶时可以放啲乌冬入去点啲汁再食，几特别最后饮品叫咗香蕉华田奶昔同埋劳气沙冰，推介劳气沙冰！入面又有雪糕又有爆炸糖，够特别，大杯又好饮〜店员服务有礼〜下次一定会再嚟！