金牌

营业中

休息中

最近成日都食好多唔同菜式嘅餐厅，有时都会觉得好特别，但系有时都会想食返啲本地啲嘅晚餐。今日就嚟到淘大新开嘅金牌港式茶记。大概7:00左右嚟到，门口已经大排长龙，但系等咗大概15分钟都可以入座。晚市有套餐可以选择，套餐入边包咗蒜蓉多士、餐汤、烟三文鱼沙律、主菜同饮品。我今次就叫咗佢嘅铁板西冷牛扒配带子，其实食佢哋嘅前菜同沙律都已经饱咗三成，因为真系好大份。烟三文鱼沙律唔知点解系我感觉有少少怪，好似变咗西餐咁，但系味道系好食嘅。而最惊喜系佢个蒜蓉多士，烤得好趣之余佢嘅蒜蓉酱亦都好入味。而西冷牛扒带子方面，佢嘅牛扒非常之厚，而且因为加咗蒜嘅关系，每一啖都食到浓郁嘅香味。带子就不过不失，整体嚟讲都非常之饱。而我朋友就叫咗鸡扒司华力肠铁板餐，份量都真系相当之唔细，鸡扒嘅味道都好入味道，但系对于司华力肠得半条就有少少失望🥹。味道嚟讲绝对系过关，好食嘅港式茶餐厅已经越来越少，希望佢哋可以越做越好😛。